குற்­ற­வா­ளி­க­ளுக்­குப் பாது­காப்­பு வழங்குகின்ற நாடாக இலங்கை!!

குற்­ற­வா­ளி­க­ளுக்­குப் பாது­காப்­பா­ன­தொரு நாடாக இலங்கை விளங்­கு­கின்­றது. கடந்த அர­சின் ஆட்­சிக் காலம் தொடக்­கம் இன்­று­வரை மேல் மட்­டத்­தில் ஏரா­ள­மான குற்­றச் செயல்­கள் இங்கு இடம்­பெற்­றுள்ள போதி­லும் குற்­ற­வா­ளி­கள் தண்­டிக்­கப்­பட்­ட­தற்­கான ஆதா­ரம் எது­வு­மில்லை. ஆனால் அத்­கை­ய­வர்­கள் அர­சுக்கு சவால் விடும் வகை­யில் நடந்து கொள்­வ­தைக் காண­மு­டி­கின்­றது.

கடந்த ஆட்­சிக் காலத்­தில் இடம்­பெற்­ற­தா­கக் கூறப்­பட்ட ஊழல் மோச­டி­கள் மிகப் பெரி­யவை. நாட்­டின் பொரு­ளா­தா­ரத்­தையே இவை ஆட்­டம் காணச் செய்­து­விட்­டன. அதை­விட ஏரா­ள­மான கொலை­க­ளும் இடம்­பெற்­றன.

இதில் அர­சி­யல்­வா­தி­கள், ஊட­க­வி­ய­லா­ளர்­கள், பாட­சாலை மாண­வர்­கள் தொண்டு நிறு­வ­னங்­க­ளின் பணி­யா­ளர்­கள், வர்த்­த­கர்­கள், சாதா­ரண பொது­மக்­கள் எனப் பலர் அடங்­கு­வார்­கள். வெள்­ளை­வா­னில் கடத்­திச் சென்று கொலை செய்­வது அப்­போ­தெல்­லாம் சர்வ சாதா­ர­ண­மா­ன­தொரு விட­ய­மா­கவே காணப்­பட்­டது.

ஆனால் இவற்­று­டன் தொடர்­பு­டைய குற்­ற­வா­ளி­கள் தண்­ட­னைக்கு உள்­ளாக்­கப்­ப­டாது சுதந்­தி­ர­மாக உல­வு­வ­தைக் காண முடி­கின்­றது. இந்த நிலை­யில் நாட்­டில் நீதியை எவ்­வாறு எதிர்­பாக்க முடி­யும்?

சந்­தி­ரிகா அம்­மை­யா­ரின் ஆட்­சிக் காலத்­தில் பிர­ப­ல­மான தமிழ் அர­சி­யல்­வா­தி­யும், புகழ்­பூத்த வழக்­க­றி­ஞ­ரு­மான குமார் பொன்­னம்­ப­லம் கொழும்­பில் வைத்­துச் சுட்­டுக் கொலை செய்­யப்­பட்­டார். கொலை­யாளி தொடர்­பான விப­ரங்­கள் ஊட­கங்­க­ளில் அப்­போது வெளி­வந்­தன. ஆனால் அந்­தக் கொலைக் குற்­றவா­ ளிக்­குத் தண்­டனை விதிக்­கப்­ப­ட­வில்லை.

கூட்­ட­மைப்­பின் நாடா­ளு­மன்ற உறுப்­பி­ன­ரான ரவி­ராஜ் கொலை வழக்­கி­லி­ருந்து கொலைச் சந்­தேக நபர்­கள் விடு­தலை செய்­யப்­பட்­டு­விட்­ட­னர்.

ரவி­ரா­ஜின் அவ­லச்­சா­வுக்கு இன்­று­வரை நீதி கிடைக்­கவேயில்லை. பிர­பல ஊட­க­வி­ய­லா­ள­ரான லசந்த விக்­கி­ர­ம­ துங்­க­வின் கொலை­யில் தொடர்­பு­டை­ய­வர்­க­ளெ­னச் சிலர் மீது பகி­ரங்­க­மா­கவே குற்­றம் சாட்­டப்­பட்­ட­போ­தி­லும், கொலைக் குற்­ற­வா­ளி­ கள் தண்­டனை பெறு­வ­தி­லி­ருந்து தப்­பி­விட்­ட­னர்.

திரு­மலை மாண­வர்­க­ளின் படு­கொலை, மூதூ­ரில் தொண்டு நிறு­வ­னப் பணி­யா­ளர்­க­ளின் கொலை­கள், தமிழ் ஊட­க­வி­ய­லா­ளர்­கள் சிவ­ராம், நிம­ல­ரா­ஜன் ஆகி­யோ­ரின் கொலை­கள், பிர­பல சிங்­கள ஊட­க­வி­ய­லா­ளர் பிர­தீத் எக்­ன­லி­கொட கடத்­திச் செல்­லப்­பட்­டுக் காணா­மல் ஆக்­கப்­பட்­டமை போன்ற பல விட­யங்­க­ளு­டன் தொடர்­பு­டைய குற்­ற­வா­ளி­கள் சுதந்­தி­ர­மா­கத் திரி­வ­தைக் காண முடி­கின்­றது.

கொலைக்­குப் பதி­லாக கூட்டு அர­சில் ஊழல்

தற்­போ­தைய அர­சின் காலத்­தில் கொலைச் சம்­ப­வங்­கள் மிக­வும் குறைந்து காணப்­ப­டு­கின்ற போதி­லும் ஊழல், மோச­டிக் குற்­றங்­கள் இடம்­பெ­றவே செய்­கின்­றன. மத்­திய வங்­கி­யில் நிகழ்ந்த பிணை முறி மோசடி மிகப் பெரி­யது. இதன் முதன்­மைக் குற்­ற­வா­ளி­யான முன்­னாள் மத்­திய வங்­கி­யின் ஆளு­நர் ஏதோ­வொரு வெளி­நாட்­டில் தலை­ம­றைவு வாழ்க்கை நடத்­தி­வ­ரு­கின்­றார்.

இவ­ரைக் கைது­செய்து நாட்­டுக்­குக் கொண்­டு­வ­ரு­வ­தற்கு அர­சி­னால் முடி­ய­வில்லை. இதே பிணை முறி மோச­டி­யு­டன் தொடர்­பு­டைய சந்­தேக நபர் ஒரு­வ­ரி­டம் 118 நாடா­ளு­மன்ற உறுப்­பி­னர்­கள் பணம் பெற்­ற­தா­கத் தெரி­விக்­கப்­ப­டு­கின்­றமை பெரும் அவ­மா­னத்­துக்­கு­ரி­யது. எந்த வகை­யி­லும் மன்­னிக்க முடி­யா­தது. ஆனால் இது தொடர்­பாக அரச தலை­வர் காத்­தி­ர­மான நட­வ­டிக்கை எதை­யும் எடுத்­த­தா­கத் தெரி­ய­வில்லை.

இதை­வி­ட­போ­தைப் பொருள் விற்­பனை­ யுடன் தொடர்­பு­டைய பலர், எவ­ருக்கோ கையூட்டு வழங்­கித் தப்­பித்­துக் கொள்­வ­தை­யும் காண­மு­டி­கின்­றது. இவர்­க­ளால் பலர் சீர­ழிக்­கப்­ப­டு­வதை உரி­ய­வர்­கள் கவ­னத்­தில் கொள்­வ­தா­க­வும் தெரி­ய­வில்லை. நாட்­டில் கொலை, கொள்ளை, பாலி­யல் வன்­மு­றை­கள் ஆகி­யவை தாரா­ள­மாக இடம்­பெற்று வரு­கின்­றன. வடக்­கைப் பொறுத்­த­வ­ரை­யில் வாள்­வெட்­டுக் குழுக்­க­ளின் அட்­ட­கா­சம் பெரும் தலை­வ­லி­யா­கவே அமைந்­துள்­ளது. ஆனால் குற்­ற­வா­ளி­க­ளைக் கைது செய்­கின்ற சட­வ­டிக்­கை­கள் மந்­த­க­தி­யி­லேயே இடம்­பெ­று­வ­தைக் காண முடி­கின்­றது.

இது­வரை கால­மும் எதற்­கெ­டுத்­தா­லும் போரையே கார­ண­மா­கக் கூறி­வந்­த­வர்­கள், போர் ஓய்ந்த பின்­னர் வேறு எதை­யெ­தையோ கூறித் தப்­பித்­துக் கொள்­கின்­ற­னர். நாட்­டின் தலைமை மந்­த­மா­கச் செயற்­ப­டும் போது, கீழ் மட்­டத்­தில் உள்­ள­வர்­கள் தமது இஷ்­டப்­ப­டியே நடந்து கொள்­ளச் செய்­வார்­கள். அவர்­க­ளைக் கட்­டுப்­ப­டுத்­து­வ­தற்கு எவ­ரா­லுமே முடி­யாது. நாடு போகிற போக்­கைப் பார்க்­கும்­போது, குற்­றச் செயல்­கள் நிறைந்த சில தென்­ன­ம­ரிக்க நாடு­க­ளைப் போன்று இலங்­கை­யும் மாறி விடுமொ என்ற அச்­ச­மும் ஏழா­ம­லில்லை.

Recommended For You

About the Author: சேது

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.